PÒRTO DE MÂ di Sergio Sileri

Il Porto di Genova

Pòrto de mâ: mouxi e bonassa,

gente ch’a va, gente ch’a vëgne.

Voxe in mescciua fra stive e caladde,

çento candeie, mille lummi asmòrti.

Artæ de glòria,

monumenti e marmi:

rumenta e pua

spantegâ inti caroggi.

Viçio e virtù

van e vëgnan

da l’ægua cristalliña

stracoando a-a riva.

Cadeñe dæte,

cadeñe riçevue,

portoin à færo mòrto:

patti ciæi.

 

Ma drento,

ciancianin,

s’é fæto a ruzze:

l’euio d’oiva

o l’à piggiou o scotizzo.

 

A-o nòstro meu

’na croxe ch’a bansiga,

ch’a ven da-o largo

fra sciammi de gianchetti.

A croxe de chi sa

d’ëse un gaitello,

lazù in sciô mâ,

co-i pê de ciongio.

 

 

 

Sergio Sileri – Dialetto di Genova

Tratta da “Poesia in Ligure tra Novecento e Duemila” (1900 – 2018) di Alessandro Guasoni – Edizioni Cofine, Roma, 2019, pag. 74

 

 

PORTO DI MARE

 

Porto di mare: onde e bonaccia,

gente che va, gente che viene.

Voci miste tra stive e calate,

cento candele, mille lumi spenti.

Altari di gloria,

monumenti e marmi:

spazzatura e polvere

sparsa nei vicoli.

Vizio e virtù

vanno e vengono

dall’acqua cristallina

gettati a riva.

Catene date,

catene ricevute,

portoni a ferro morto:

patti chiari.

 

Ma dentro,

a poco a poco,

s’è formata la ruggine:

l’olio d’oliva

puzza di bruciaticcio.

 

Al nostro molo

una croce che dondola,

che viene dal largo

tra sciami di novellame.

La croce di chi sa

d’essere un gavitello,

laggiù sul mare,

con i piedi di piombo.