MI ME RETIO di Sergio Sileri

 

Mæ cao figgeu,

tutte e mattin son belle, anche se ceuve,

e in veo l’é giusto

che ti te senti fòrte da zoentù

e ti ne fasci mostra:

solo l’arbô o ne rinneuva e fòrçe.

 

E aloa perché

ti veu arrivâ de sprescia a-o tò tramonto,

bruxâte sta zoentù

in sce ’n’artâ de seunni cô do fumme?

 

Mi no te pòsso vedde

zugâ con ’na veitæ ch’a no l’existe,

beive rosòlio

sensa savei che drento gh’é l’arfê.

 

No t’ê ancon fiore

e, bello comme t’ê, ti me pai mòrto.

Mi t’auguro de cheu

d’ëse into giusto e d’arrivâ a-o tò pòrto.

Se questa a l’é a tò corsa,

mi me retio. E che o Segnô o t’avvarde.

 

 

 

Sergio Sileri – Dialetto di Genova

Tratta da “Poesia in Ligure tra Novecento e Duemila” (1900 – 2018) di Alessandro Guasoni – Edizioni Cofine, Roma, 2019, pag. 76

 

IO MI RITIRO

 

Mio caro ragazzo

tutte le mattine sono belle, anche se piove,

e invero è giusto

che tu ti senta forte della gioventù

e ne faccia mostra:

solo l’alba ci rinnova le forze.

 

E allora perché

vuoi arrivare in fretta al tuo tramonto,

bruciare la tua gioventù

su di un altare di sogni color fumo?

 

Io non ti posso vedere

giocare con una verità che non esiste,

bere rosolio

senza sapere che dentro c’è il fiele.

 

Non sei ancora fiore

e, bello come sei, mi sembri morto.

Io ti auguro di cuore

d’essere nel giusto e d’arrivare al tuo porto.

Se questa è la tua corsa,

io mi ritiro. E che Dio ti protegga