I SANTI di Niccolò Bacigalupo

Ne-o grixo crepuscolo

ne l’äia sereña

se sente un son funebre

che o ciamma a-a noveña,

e a tipica e lenta

mestiçia de pöse

o grixo a l’aumenta

do tempo e de cöse;

 

o freido o prinçipia

e l’äia a l’ingheugge

frizzante ed incòmoda

di muggi de feugge

e e gente vestie

co-a röba da stæ

se sentan e dïe

co-e ponte giassæ.

 

E pensan, sciusciandoghe,

che ninte l’é eterno,

che o cädo o l’à termine,

che torna l’inverno

co-o freido, e a frequensa

di afflussi a-i polmoin,

pléuriti, influensa,

catari, brignoin.

 

Pe-a stradda, inti pòrteghi,

a-i sòliti pòsti,

ritorno da-a Svìssera

gh’é za i cädarròsti

e e dònne pe-i canti

che sbraggian ma ammiæ

che bocce pesanti

mi vendo pe piæ!

 

Ma in questa mestiçia,

sta tinta de lutto

che pâ che a predòmine

un pö dappertutto,

ne-a faccia scontenta

che mostra a natua

che grixa a diventa

da-i monti a-a bassua,

 

gh’é un giorno, che o spìrito

dimesso o l’avviva,

che o pòrta into luvego

a nòtta giuliva,

un giorno fra i tanti

che o dixe che ancheu,

co-a festa di Santi

gh’é i primmi ravieu!

 

 

 

Niccolò Bacigalupo -   Dialetto di Genova

"I Santi" (vv. 1-48) è tratto da "Inni çivili", 1903. Cantore della borghesia postunitaria in una lingua che ne riflette in gran parte le scelte, ebbe momenti di pensoso lirismo all'interno di una produzione poetica per il resto prevalentemente orientata sui modelli comico-realistici allora in voga nelle espressioni regionali. Negli "Inni çivili" e in particolare in "I Santi" queste due tendenze si fondono con risultati pittorici interessanti.

Dalla pagina Facebook di Fiorenzo Toso

 

 

I SANTI

Nel grigio crepuscolo,

nell’aria serena

si sente un suono funebre

che chiama alla novena,

e la tipica e lenta

mestizia dei rintocchi

accresce il grigiore

del tempo e delle cose;

 

comincia il freddo,

e l’aria punge

frizzante ed incomoda

i mucchi di foglie;

la gente ancora

vestita da estate

si sente ghiacciare

la punta delle dita.

 

E pensa, soffiandoci su,

che nulla è eterno,

che il caldo è finito,

che torna l’inverno

col freddo e la frequenza di afflussi ai polmoni,

pleuriti, influenza,

catarri, geloni.

 

Per strada, nei portoni,

nei soliti posti

vi sono già

i venditori di caldarroste

di ritorno dalla Svizzera,

e sugli angoli le donne gridano:

"guardate che bocce pesanti

vi vendo per castagne bollite!".

 

Ma in questa mestizia,

in questa tinta luttuosa

che sembra predominare

ovunque,

nella faccia scontenta

che mostra la natura

mentre ingrigisce

tra monti e pianura,

 

vi è un giorno

che ravviva

lo spirito rattristato,

che porta nell’ombra

una nota giuliva;

un giorno che dice che,

con la festa di ognissanti,

si fanno i primi ravioli!