1523 di Marco Cassini

Andrea Doria
 

Couse de ‘sti ani:

Luciano Grimaudi u l’avia amassau so frai Giuani.

Andrea Doria, so cuixin,

pensèndu che se èscì Luciano u fusse mortu,

Munegu u serìa fenìu en man ai Doria dussaighin,

u l’avìa cunvintu a occuparsenè Doria Bertrumei.

È cuscì u vintidui d’avustu deu mileçincheçèntuvintitrei

Bertrumei u l’à acoutelau so barba Luciano;

ma l’idea de Andrea a nu l’è “andà en portu”.

Ente u portu, sute a Roca, envece de Andrea u l’è aruvau Vustin,

vescuvu de Grasse, c’u l’à chitau paramenti, paternostri è laudi

per remete e couse a postu e vendicar i sœi dui frai Grimaudi.

Vustin u l’à picau düru a Dussaiga, l’Iersura e Bligar següru,

sense star a ver nesciün ente u muru,

u nu l’è rescìu a acciapar Bertrumei ma un nu l’à lasciau rèn en pei,

u l’à agarau tütu, pegiu de ün teremotu.

Couse de ‘sti ani!

Ancœi, c’u l’è passau çincheçènt’ani,

che ascaixi u nu gh’è ciù mancu i cunfin,

da boi veixin, sèmple cuixin, vègnirìa mete en pei ün bèl festin

cun mūxica è balu,

fœghi d’artifisiu e magara ün francubulu,

è pœi ciù che autru: fugassun, machetursa, raviœi è tagliarin;

michete, cruixete, pansarole, bueti, gubeleti, cubaite… è ruvaire… de vin!

 

 

 

Marco Cassini – Dialetto di Apricale

Poesia che ha partecipato al XVI Concorso di Poesia Dialettale “Giannino Orengo” – Dolceacqua, Ed. 2021

 

 

1523 

 

Cose d’altri tempi:

Luciano Grimaldi aveva ucciso suo fratello Giovanni.

Andrea Doria, loro cugino,

ritenendo che se anche Luciano fosse stato ucciso

Monaco sarebbe passato ai Doria dolceacquini

aveva convinto ad occuparsene Bartolomeo Doria (Signore di Dolceacqua).

Fu così che il 22 agosto 1523

Bartolomeo accoltellò a morte suo zio Luciano Grimaldi.

Ma l’idea di Andrea non “andò in porto”

Nel porto di Monaco ai piedi della Rocca anziché Andrea Doria

arrivò Agostino Grimaldi

allora vescovo di Grasse che smise immediatamente paramenti, preghiere e laudi

per rimettere le cose a posto e vendicare i suoi due fratelli Grimaldi.

Agostino picchiò duro a Dolceacqua, Isolabona e Apricale sicuro,

senza guardare in faccia a nessuno

non riuscì ad acchiappare Bartolomeo ma non lasciò niente in piedi.

Distrusse tutto peggio di un terremoto.

Cose d’altri tempi!

Oggi che son passati cinquecento anni

che quasi non esiste più alcun confine

da buoni vicini,

sempre cugini, bisognerebbe organizzare una bella festa (per il cinquecentesimo anniversario)

con musica e ballo

fuoci d’artificio e magari un francobollo,

e poi soprattutto: torte di verdura, pizze , ravioli e taglierini;

michette, crocette, pansarole, bueti, gubeletti, cubaite (…altri dolciumi)… e vini… a fiumi!