OLIVO SPAMPAGGIÒU di Edoardo Firpo

In gïo ai gotti i ommi anzien do Fasce

stan a sentî a donnetta ammagonâ

che in sce-o spigo da tôa adaxo a parla.

 

Intra intanto l’ödô de fen taggiòu

da-o barconetto verso Montemòu;

fra e cose antighe che rinasce anchêu

veddo a cravetta gianca co-i sacchetti

do læte che ghe pendan in sce l’erba –

e biblica me pâ anche a çigaa

ascosa in te l’olivo spampaggiòu.

 

Ma doveiva succede comme a votta 

ch’ò trovòu unna tancoa drento a rêuza.

 

Quande a donna a l’à dito: - O l’à ammassòu

o can perché meschin, sempre affamòu

o stava fisso a veddilo mangiâ… -

benché brillasse a-o sô tutta Caruppa

se m’è asmortòu de colpo a mæ giornâ.

 

 

 

Edoardo Firpo – Dialetto di Genova

 

 

OLIVO RABBUFFATO

 

Attorno ai bicchieri gli uomini anziani del Faudo

stanno ascoltando la donnetta accorata

che contro lo spigolo del tavolo adagio parla.

 

Entra intanto odore di fieno tagliato

dal finestrino verso Montemoro;

fra le cose antiche che rinascono oggi

vedro la capretta bianca con le borse

del latte che penzolano sull’erba

e biblica mi pare anche la cicala

nascosta nell’ulivo rabbuffato.

 

Ma doveva accadere come quella volta

che trovai lo scorpione nella rosa.

 

Quando la donna venne a dire: - Ha ammazzato

il cane perché, sempre affamato,

stava a guardarlo fisso quando mangiava… -

benché brillasse al sole tutta Caruppola

s’è spenta di colpo la mia giornata.