DE SÉIRA Di M. Pia Viale

A l’è pàixa l’ura da séira,

nu sila ciü ren

e aiscì l’arima a chieta,

sensa ciacrin

ni inscietà.

S’aferma l’asciamu

du mundu,

maròutu da tempu

e sensa ciü vuxe.

Cume bestie int’u niu

o int’a tana

s’aciatamu,

aspeitendu de sciorte

tra i vivi

e a belessa.

A l’è pàixa l’ura da séira,

candu a lüxe du giurnu

cian cianin a se ne va.

U silensiu

u ne parla e u ne dixe

che int’a séira da vita

se ghe nia a verità.

 

 

M. Pia Viale - Dialetto di Vallebona

I Classificata, ex aequo con Antonello Rivano di Carloforte, al Premio Internazionale Letterario Carlo Bo - Giovanni Descalzo - Sestri Levante - 2021

DI SERA

 

E’ pacata l’ora della sera,

non fiata più nulla

e anche l’anima si calma,

senza dispiaceri

né ansietà.

Si ferma l’affanno

del mondo,

malato da tempo

e senza più voce.

Come animali nel nido

o nella tana

ci nascondiamo,

aspettando di uscire

tra i vivi

e la bellezza.

E’ pacata l’ora della sera,

quando la luce del giorno

piano piano se ne va.

Il silenzio

ci parla e ci dice

che nella sera della vita

si annida la verità.