LINA di Isabella Mangone

Rosa antica rosso Tiziano

 

Davu a mente e röse int’u vasu,

i l’eira l’ürtimu agradu pe’ me’ maire.

 

Aiscì ela a l’eira pecinòta,

propiu ina röselina.

A se ciamàva Angelìna, ma

pe’ tüti a l’eira Lina a “pecina”.

 

Lina a “stirösa”,

bela cume ina rösa.

D’ê röse a l’avéva aiscì i meiximi curùi:

cavégli russu tizian.

Ögli verdi giàda cume a tigia.

E d’a tigia a l ‘àva sina e spine,

percòse caiche vota a saveva

fame ciànze.

 

Ma nu’ ghe serà

ciü, a u mundu, nesciün

ch’u me vurrerà ben o ch’u m’àge vusciüu ben

cume chela dona

parésca ae röse: pecina, pecina

e prufümà de trielina.

 

 

 

Isabella Mangone - Dialetto di Ventimiglia

Poesia che ha partecipato al XXXIV "U Giacuré" - Ed. 2021, Vallebona.

 

LINA

 

Guardavo le rose nel vaso,

erano l’ultimo omaggio a mia madre.

 

Anche lei era piccolina

proprio una rosellina.

Si chiamava Angelina,

ma per tutti era Lina a “pecina”.

 

Lina a “stirosa”,

bella come una rosa.

Delle rose aveva anche gli stessi colori:

capelli rosso Tiziano.

Occhi verdi giada come lo stelo.

E dello stelo aveva anche le spine,

perché qualche volta sapeva

farmi piangere.

 

Ma non ci sarà

più, al mondo nessuno

che mi amerà o che mi abbia amato

come quella donna

come le rose: piccina piccina

e profumata di trielina.