INA PETITA BRAVA di Costanza Modena

Tüti i dixeva: “Che petita brava

ch’a l’è Marì, ubidiente, urdinà,

tranchila… a nu te fa mai aragià,

a l’è a fija che tüti i vurereva.

 

In giurnu i mas-ci i giügava sute a cà

a tirà priunae, a aregatasse,

pe’ mustrà a propria grande abilità

e, cui cumpagni, nu paré in cuiasse.

 

Marì a gardava in po’ a distansa,

a faixeva sentì a so cumpetensa:

“Tü ti nu sai tirà, ti sei in pajassu,

ti nu pijeresci in elefante a in passu!”

 

I mas-ci i eira ascì di presentiuusi,

i s’ufendeva, za i piava fögu:

“Sita, pisceira, và a giugà ai spuusi!!

U nu gh’è lögu pe’ e done in te stu giögu!”

 

Marì, tucà in tu vivu a s’è sentìa,

tron e lampu, a l’ha aciapau in pria

e criandu: “Gardai cume u se fa!”

a l’ha lansà, che duve a va a va.

 

A l’è finìa in ta testa de Carlin

e per poucu a gh’a druviva in due:

u sanghe u ghe caraca a revenin,

elu u criava cun tüte e forse sue…

 

Marì sta vota a n’ha pijàu ina rusta

che cuscì forte a nu l’aixeva vista,

e menu male che ela a l’eira brava,

sutrimenti, fina a testa a gh’arancava!

 

 

 

Costanza Modena – Dialetto di Sanremo

 

 

UNA BAMBINA BRAVA

 

Tutti dicevano: “Che brava bambina

è Maria, obbediente, ordinata,

tranquilla, non ti fa mai arrabbiare,

è la figlia che tutti vorrebbero avere…”

 

Un giorno i maschi giocavano sotto casa

a tirare pietre, a sfidarsi

per mostrare la propria abilità

e, con i compagni, non sembrare uno stupido.

 

Maria li guardava stando un po’ a distanza,

e faceva sentire la sua competenza:

“Tu non sai tirare (le pietre), sei un pagliaccio,

non colpiresti un elefante a un passo!”

 

I maschi erano anche dei presuntuosi,

si offendevano, già si infiammavano:

“Zitta, pisciona, va a giocare agli sposi!

Non c’è posto per le donne in questo gioco!”

 

Maria, si è sentita toccata nel vivo,

immediatamente ha raccolto una pietra

e gridando: “Guardate come si fa!”

l’ha lanciata che dove va va.

 

E’ finita in testa a Carlino

e per poco non gliela apriva in due:

il sangue colava come un ruscello

e lui gridava con tutte le sue forze…

 

Maria questa volta ha preso una bella battuta

che  così forte non l’aveva mai vista,

e meno male che ra brava,

altrimenti anche la testa gli staccava!