‘NA MÂVEGGIÖSA SEJANNA di Lugi Cornetto

 

Mentre o sciäto da çittæ

o l’ingheuggêiva l’aïa

cö sô ch’o s’ascondeiva

inte ‘na cornixe de luxe

lasciando o passo

a-o scùo,

drento

quello stissin de ciæo

i cömbi ean lì.

Un drïto

l’ätro accoegòu:

gh’ajan sciaccòu a testa.

O vivo

foscia a voeilo veggiâ,

o stâva vixin a-o morto

sensa mesciâ.

E l’ëa

‘na mâveggiösa sejanna.

 

 

 

Luigi Cornetto – Dialetto di Genova

 

 

UNA MERAVIGLIOSA SERATA

 

Mentre il chiasso della città

avvolgeva l’aria

con il sole che si nascondeva

in una cornice di luce

lasciando il passo

al buio,

dentro quel pochino di chiaro

i colombi erano lì.

Uno ritto

l’altro coricato:

gli avevano schiacciato la testa.

Quello vivo

forse a volerlo vegliare,

stava vicino al morto

senza muoversi.

Ed era

una meravigliosa serata