CARMA E GIPU di Ovidio Bosio

Se desciamu a matin e inestamu

u pilota autumaticu e prucedemu

pe tütu u giurnu cun i meiximi ategiamenti

sempre egali e rasegüranti

      pe l’abitüdine che a l’è l’üsau següru

      int’in mundu duminau da l’aventüra.

      Nui vuremu gudise a lentessa,

      a carma, a serenità,  a pacatessa

che nu vö di pigriçia o purtruneria

percose vive de cursa a l’è ina scemaria.

Inta replica gh’è l’elogiu de andà cianin,

gh’è u güstu de retruvasse veixin

      e de rivive u megliu  du passau

      e ilüdise che ninte sece scangiau

      anche se ancöi u mundu u nu l’è pe i lenti

      nu pe a chiete ma pe i preputenti.

Tütu inturnu u va d’asbrivun,

u l’è sinteticu e sença espressiun.

Se va de cuita mirandu u relöriu

pocu següri ançi pruvisori.

      A carma a l’è puresse fermà

      setasse, mirasse drente e pensà.

      Repigliamu a balà a passu lentu

      cun a vita e in po' duçe fa ninte.

Stamu luntai da a sprescia e a premüra

e arrecampamuse cose ne avança ancura.

Descaregamuse da calunche pesu

e repigliamuse u tempu destesu.

      Cume a in gelatu damughe ina lecà

      pe faselu ciü a longu dürà.

Ovidio Bosio - Dialetto di Ventimiglia

Poesia che ha partecipato a “U Giacuré 2020”

CALMA E GESSO

Ci svegliamo la mattina e innestiamo

il pilota automatico e procediamo

per tutto il giorno con gli stessi atteggiamenti

sempre uguali e rassicuranti

      per l’abitudine che ha l’usato sicuro

      in un mondo dominato dall’avventura.

      Noi vogliamo goderci la lentezza

      la calma, la serenità, la pacatezza

che non vuol dire pigrizia e poltroneria

perché vivere di corsa è una fesseria.  

Nella replica c’è l’elogio di andare piano

che è il gusto di ritrovarsi vicino

       e di rivivere il meglio del passato

       e illudersi che nulla sia cambiato

       anche se oggi il mondo non è per i lenti

       non per la quiete ma per i prepotenti.

Tutto intorno va di fretta

è sintetico e senza espressione.

Si va di premura guardando l’orologio

poco sicuri anzi provvisori.

       La calma è potersi fermare

       sedersi, guardarsi dentro e pensare.

       Riprendiamo a ballare a passo lento

       con la vita e un po' di dolce far niente.

Stiamo lontani dalla premura

e raccogliamoci ciò che ci avanza ancora

Scarichiamoci da qualunque peso

e ripigliamoci il tempo disteso

       come con il gelato diamogli una leccata  

       per farcelo durare più a lungo durare.