FIGGETTA CHE A BALLA di Rosita del Buono Boeri

Veddo da na finestra ata in sciô paise

inte l’oa pövia passou o mezogiorno,

unna figgetta co-a röbetta rossa

che – tutta sola – a balla in mezo a-e case.

Çerto a sente unna muxica pe l’äia

che nisciun atro o sente:

– o l’é o meise de mazzo pin d’öxelli –

Lê a fa l’inchin, a l’arsa ate e brasse

e in sce unna gamba sola a piroetta.

Se dorve à campanella o röbin rosso

e lê a continua a rie, a rie, a rie…

 

O l’é o momento curto de unna vitta

che lê a scordiâ e mi no scordiö mai.

Çerto o passa unna muxica infinia:

infançia, primmaveia e poexia.

 

 

 

Rosita del Buono Boeri – Dialetto di Savona

Tratta da “Poesia in Ligure tra Novecento e Duemila” (1900 – 2018) di Alessandro Guasoni – Edizioni Cofine, Roma, 2019, pag. 61

 

 

BAMBINA CHE DANZA

 

Vedo da una finestra alta sul paese

nell’ora povera trascorso mezzogiorno,

una bimba con il vestitino rosso

che – tutta sola – danza fra le case.

Certamente ode una musica

per l’aria / che nessun altro ode:

– è il mese di maggio pieno di uccellini –

lei fa l’inchino, leva alte le braccia

e su di una gamba sola piroetta.

Si apre a campanella il vestitino rosso

e lei continua a ridere, a ridere, a ridere…

 

E’ è il momento breve di una vita

che lei dimenticherà e io non dimenticherò mai.

Certo passa una musica infinita:

infanzia, primavera e poesia.