UNNA MANEA DE CREDDE di Roberto Giannoni

 

Comme son sti erboi chì, tutti regiæ

de sa e de là, ch’en pægi à un can ligou;

questi erboi d’oiva, che te l’an ammoæ

çento e ciù venti e l’an mangiæ inte l’òsso,

e che à son d’arrembâse en vegnui stòrti:

coscì anche niatri con un peiso addòsso

che manco se sa d’ëse vivi ò mòrti,

stemmo lì (e paimo di òrbi) pe annastâ

un atro çê, ’na quarche atra paròlla.

Da-o fondo do giamin, da sta cadeña

d’ëse attaccæ a-a palanca pe respiâ,

da sto spaximo chì ch’o no ne mòlla,

da quest’ammiâ co-i euggi de ’n bibbin,

da sti fondi de gòtto pin de “moæ”,

da questa ræ de stradde e de casin:

orriëscimo parlâ, orriëscimo credde…

e se stroscemmo pe spòrze un pittin.

 

 

 

Roberto Giannoni – Dialetto di Genova

Tratta da “Poesia in Ligure tra Novecento e Duemila” (1900 – 2018) di Alessandro Guasoni – Edizioni Cofine, Roma, 2019, pag. 98

 

 

UN MODO DI CREDERE

 

E simili a questi alberi, tutti contorti

di qua e di là, come un cane legato;

questi alberi d’olivo, affilati

da cento e più venti che li hanno divorati nelle ossa,

alberi che a forza di appoggiarsi sono divenuti storti:

così anche noi con un peso addosso

che neppure si sa se siamo vivi o morti,

stiamo lì (e sembriamo ciechi) per annusare

un altro cielo, qualche altra parole.

Dal profondo della fatica, da questa catena

di essere attaccati al soldo per respirare,

da questo spasimo qui che non ci molla,

da questo guardare con occhi di tacchino,

da questi fondi di bicchiere pieni di “madre”,

da questa rete di strade e di bordelli:

vorremmo parlare, vorremmo credere…

e ci torciamo per sporgere un poco.