A CABANETA DI Costanza Modena

 

U l’eira de longu u giögu preferiu,

sercà in postu tranchilu e sciumbrìu

atruvà tochi, cume ven u ven

e fa ina cabaneta sensa ren!

 

A pijaivu di fì vej za strepai,

rame de ruve o de autre mene,

bastuneti tüti ruti e scartai,

prunti pe’ fa fugheti o scaudà sene.

 

A sercaivu de longu de indüstriame

pe’ frabicame ina pecina cà,

ch’a me arepairesse da e buriane

e, ben alugià, a me faghesse sta.

 

Tütu pe’ giögu e tanta fantaixia,

a me cà a l’eira bela e sistemà,

puré invità amixi in alegria

sensa fa disurdine o spurcà.

 

L’ürtima cabaneta, a ciü arescìa,

a l’aixeivu fa tra pile de vedrine,

a nu luciava au ventu, ben custruia,

pe’ e giurnae chi l’eira ciü freidine.

 

Lì drente a ghe purtaivu i mei avei,

ravati, strasse, tundi e büratine,

e i cupin pe’ e furmigure argentine,

che me paire u infirava in ti maixei.

 

U gh’eira in tera in tapeu imbutìu,

pe’ pureme asetà sensa sufrì,

faitu de paja e fì, nu atapìu,

cu’ ina bela tuaja pe’ cruvì.

 

A storia a l’è finìa, da cande in giurnu

a l’ho atruvau acuciai, acaveai,

a gata barda, ch’a l’aixeva inturnu

sinche gatin cu’ i öij ancù serai.

 

A puixeivu sfratali? Propiu nà!

 

 

 

Costanza Modena – Dialetto di Sanremo

 

 

LA CAPANNINA

 

Era sempre il mio gioco preferito,

cercare un posto tranquillo e ombreggiato,

trovare il materiale necessario, come viene viene

e fare una capannina senza niente.

 

Prendevo dei fili (per la legatura dei garofani) già strappati,

rami di quercia o altre piante,

bastonetti tutti rotti e scartati,

pronti per bruciare o riscaldare la cena.

 

Cercavo ogni volta di arrangiarmi

per fabbricarmi una casetta,

 che mi riparasse dal brutto tempo

e mi facesse stare comoda.

 

Tutto per gioco e con tanta fantasia,

la mia casa era bella e arredata,

potevo invitare amici con allegria

senza paura di fare disordine o di sporcare.

 

L’ultima capannetta, la più riuscita,

l’avevo fatta in mezzo a pile di vetrine (telai vetrati per costruire serre),

non si muoveva con il vento,

le giornate erano più che fredde.

 

Lì dentro portavo le mie cose,

cianfrusaglie, stoffe vecchie, piatti e bamboline,

scodelline per (il veleno contro) le formiche argentine,

che mio padre infilava nei buchi dei muri.

 

C’era a terra un tappeto imbottito,

per potermi sedere comodamente,

fatto di paglia e filo, non bitorzoluto,

con una bella tovaglia per coprire tutto.

 

La storia è finita quando un giorno

ho trovato accucciati e arrotolati

la gatta soriana che aveva intorno

cinque gattini con gli occhi ancora chiusi.

 

Potevo sfrattarli? Proprio no!