L’ÀNGERU GIÀNCU di Mario Saredi

Hon vistu

vörà in àngeru,

g’hon ditu

ùnde u l’andàva.

Devu purtà ina sciùra

a ina garçùna indurmìa.

Tuntunà hon tuntunàu,

ma u barcùn

barràu u l’è arestàu.

A stàva assunèndu

in cavàlu giàncu

cun desciü,

de ciü bèlu nu ghe n’è,

ina gròssa puàira

da a çentüra a l’èira ligà.

Vàgu a çercà,

chèlu de e çèntu tèste

che dèvu amassà.

Elu u çèrca a garçùna indurmia,

lògni uu a vureria purtà.

A puàira a s’è mèssa a sbrilà,

d’ina lüxe  giànca e rùssa

cùn ina vùxe che u cavàlu

u l’ha fàu afermà

e a garçùna indurmia

a s’è adescià e a ciü bèla

a l’è deventà.

 

 

 

Mario Saredi - Dialetto di Camporosso

2018

 

 

L’ANGELO BIANCO

 

Ho visto

volare un angelo,

gli ho detto

dove andasse.

Devo portare un fiore

ad una bimba addormentata.

Bussare ho bussato,

ma la finestra

chiusa è rimasta.

Stava sognando

un cavallo bianco

con in groppa,

uno più bello non c’era,

una grossa scimitarra

legata alla cintura.

Vado a cercare,

quello delle cento teste

che devo uccidere.

Lui cerca la bambina addormentata,

lontano la vorrebbe portare.

La scimitarra si è messa a brillare,

di un luce bianca e rossa

con una voce che il cavallo

ha fatto fermare

e la bambina addormentata

si è svegliata e la più bella

è risultata.