HARLEM, DA SAN GIULIAN di Giulio Balestreri

 

Genova - Abbazia di San Giuliano

Scì, o pianista o sunnava Gershwin

e de feua gh’ea l’inverno

vegnuo improvviso

dòppo na stæ tròppo cada.

 

A rapsodia a s’impennava

de nòtte destaccæ (paivan scorriæ

in sciâ scheña di schiavi neigri)

e a l’alternava lamenti

da “Segnô, l’é mòrto un atro fræ neigro...”

 

Me creuvo a faccia pe-a vergheugna,

e o no l’à sòsta questo vento fòrte

contra San Giulian

dove quarchedun, fòscia o barba Tòm,

o l’à dito tante vòtte

“vivevamo spensierati”

e oua o vedde, vegio innocente,

e case neuve

di gianchi conquistatoî.

 

 

Giulio Balestreri – Dialetto di Genova

Tratta da “Poesia in Ligure tra Novecento e Duemila” (1900 – 2018) di Alessandro Guasoni – Edizioni Cofine, Roma, 2019, pag. 63

 

 

HARLEM, DA SAN GIULIANO

 

Sì, il pianista suonava Gershwin

e fuori c’era l’inverno

venuto improvvisamente

dopo un’estate troppo calda.

 

La rapsodia s’impennava

di note staccate (sembravano frustate

sulla schiena di schiavi neri)

ed alternava lamenti

da “Signore, è morto un altro fratello nero...”

 

Mi copro la faccia per la vergogna,

e non si ferma questo vento forte

contro San Giuliano

dove qualcuno, forse lo zio Tom,

disse tante volte

“vivevamo spensierati”

e ora vede, vecchio innocente,

le case nuove

dei bianchi conquistatori.