I BILUI di Costanza Modena

 

Pe fa fögu, in te cae, pe ascaudasse,

cande a ghèra a n’ha messu in zenuiui,

e gente i anedeixeva a u boscu, a fasse

di beriöi de legne e de bilui.

 

Tajau in pin, rüsca e rame i levava,

i ne pijava in tocu longu e grossu,

in rampin in sce a sima, belu spessu,

e cu’ in tocu de corda i u stirassava.

 

Fijöi, done, omi e müre ascì,

ognün cu’ u so bilun u se aviava

de sciü da Colabela, giü a San Scì,

ciache giurnu, acì cande u ciuviva.

 

Mi a i sentiivu da luntan arivà:

u l’eira de cuntinuu in brundurà,

u tempurale cande u s’aveixina,

troi e lampi fin candu u babaixina.

 

Man man che sti bilui i se ne carava,

u burdélu u se faixeva ciü veixin;

i primi deré a a cürva i arivava,

sautandu surve e risse e i scarin.

 

Caiche zuenotu u se aregatava

cun chi u bilun ciü grossu u stirassava:

cujunanduse, e parole i dixeiva,

caiche vota di pügni i se daixeva.

 

Mi a i aspitaivu ferma pe u camin,

pe gudime sta longa prescisciun

de trunchi, che ina vota i eira pin,

e avù legne pe cöixe u menestrun.

 

 

 

Costanza Modena – Dialetto di Sanremo

 

 

I TRONCHI D’ALBERO

 

Per far fuoco nelle case, per riscaldarsi,

quando la guerra ci ha messo in ginocchio,

le persone andavano nel bosco, per farsi

dei fasci di legna e dei tronchi (di pino).

 

Tagliato un pino, toglievano rami e corteccia,

ne staccavano un pezzo lungo,

a un’estremità attaccavano un robusto rampino

e lo trascinavano con un pezzo di corda.

 

Ragazzini, donne, uomini e anche i muli,

ognuno col suo tronco si avviava giù

da Collabella fino a San Siro,

ogni giorno, anche quando pioveva.

 

Io li sentivo arrivare da lontano:

era un rumore sordo e continuo,

come quando si avvicina il temporale,

tuoni e lampi fino a che non cadono le prima gocce.

 

Man mano che questi tronchi scendevano,

il rumore si faceva più vicino;

i primi arrivavano dietro la curva (della strada)

saltando sul ciottolato e sui gradini.

 

Alcuni giovanotti facevano gara

con chi trascinava il tronco più grosso,

prendendosi in giro si dicevano (brutte) parole,

qualche volta si prendevano a pugni.

 

Io li aspettavo ferma lungo la strada,

per godermi questa lunga processione

di tronchi, che una volta erano pini,

e ora legna per cuocere il minestrone.