E MA A CANSON DE L’ÆGUA di Fiorenzo Toso

 

E ma a canson de l’ægua

a l’é ’na cösa eterna,

o sciumme o l’à de poule

che con i ödoî se mesccian.

 

Novembre – ahi – o l’é fæto

de feugge che marsiscian,

l’é comensou l’uverno

pe-a riva dormiggiosa.

 

E l’elegia de l’ægua

a l’impe o cheu de cento,

lasciù inte ramme ate

o s’allamenta o vento.

 

Novembre - ahi - o l’é fæto

de pensamenti stanchi,

de versci amäi che nascian

e meuan inte ’n momento.

 

 

 

Fiorenzo Toso – Lingua genovese

Novembre 1983. Un giorno comme ancheu. Versci fiña tròppo lorchien da-i laghi de Negron

Novembre 1983. Un giorno come oggi. Versi anche troppo lorchiani ai laghetti di Negrone.

 

 

MA LA CANZONE DELL’ACQUA

 

Ma la canzone dell’acqua

è una cosa eterna,

il fiume ha parole

che si fondono con gli odori.

 

Novembre – ahi – è fatto

di foglie che marciscono,

è cominciato l’inverno

sulla sponda assonnata.

 

E l’elegia dell’acqua

riempie il cuore di pianto,

lassù tra i rami alti

il vento si lamenta.

 

Novembre – ahi – è fatto

di pensieri stanchi,

di versi amari che nascono

per subito morire.