U FÖGU SUTE A PIGNATA di Costanza Modena

Me maire a s’eira propiu intestà:

“Ancöi a sena ti a fai cöoxe tü,

urmai ti hai deixagni, a nu aspeitu ciü,

ti devi indüstriàa fugatà!”

 

Tütu pruntu, in cuixina a l’ho atruvau,

a pignata cu’ a verdüra za tajà,

in ta stüfa alegneta da astrassà,

u bastava in brichettu, ecu aviau!

 

U fughetu i brüixava belu alegru,

e mi cuntinuaivu a fugatà…

za u fögu u enciva tütu u fugurà,

u aeivava au sufitu, belu intregu!

 

A stu puntu, a vié tüte ste sciame:

“Cousse a fassu, u l’è meju ch’a a ciame?

Na, a devu fa da mi, se nu ti a senti

cande a l’ariverà, che de assidenti!

 

Alura a l’ho pijau in bidunetu

cen d’aiga e a l’ho cumensau a lansà

surve a stüfa, e legne, dapertütu,

u fümu u se levava a tüt’andà!

 

Me maire: “U l’è pruntu u menestrun?

Ma chi u gh’è alagau, o sacranun!

Autru che sena, i pumpei a ciamereva…

Che fija tanarda, de ciü u nu se purereva!”

 

 

 

Costanza Modena – Dialetto di Sanremo

 

 

IL FUOCO SOTTO LE PENTOLE

 

Mia madre si era proprio intestardita:

“Oggi la cena la fai cuocere tu,

ormai hai dieci anni, non aspetto più,

ti devi industriare a cucinare”.

 

In cucina ho trovato tutto pronto,

la pentola con la verdura già tagliata,

nella stufa dei legnetti per accendere (il fuoco),

bastava un fiammifero, ecco fatto.

 

Il fuoco bruciava allegramente,

e io continuavo a mettere legna;

già il fuoco riempiva tutto il focolare,

arrivava al soffitto tutto quanto.

 

A questo punto, nel vedere queste fiamme:

“Cosa faccio? E’ meglio che la chiami?

No, devo fare da me, se no la senti

quando arriverà, quanti accidenti!”

 

Allora ho preso un secchio pieno d’acqua

e ho cominciato a lanciarla

sopra la stufa, sulla legna, dappertutto;

il fumo si alzava a tutto andare.

 

Mia madre: “E’ pronto il minestrone?

Ma qui c’è allagato, accidenti!

Altro che cena, chiamerei i pompieri,

non potrei avere una figlia più stupida!”