L’AIGA FRESCA di Costanza Modena

 

Pe’ avé in po’ d’aiga fresca, in te l’estai,

e gente i l’andaixeva in ti fussai,

càreghi de butije e damixane,

cu’ in gran va e végni, inturnu ae vene.

 

Lì veixin i fijöi i se demurava,

i ciumbava in ta lona, i sbrategava,

i se destendeva au su pe’ asciügasse,

tüti cu’ a pansa a l’aria, a aresciurasse.

 

A Tasciaire a rujava, da ina zina,

in’aiga ciara, fresca, cuscì fina;

curandu a revenin fra u verdu muscu

e sue stisse i brilava au sù d’agustu.

 

Andà pe’ aiga u tucava sempre a mi,

me sö a se spaventava a vié ina biscia;

a stava mà, u ghe vegniva u frusciu,

se a vieva bugià, tra l’erba in fì.

 

Puira a n’aixevu, in belu po’, mi ascì:

se pe’ u biu a sentiivu busticà

tra e föje seche e l’erba brüxiatà,

a ciapaivu de runse da nu dì.

 

A credeivu de vié bisce e rascasse,

aciatae in te l’erba, e agurassi!

Da a gran puira de longu a son sgurà:

i fiaschi intreghi i nu arivava a cà.

 

Candu a turnaivu pöi cu’ u fiascu rutu,

me paire u ne dixeva da fa fögu!

Andà pe’ aiga, u nu l’eira in giögu,

meju l’aiga pià da u rubinetu!

 

 

 

Costanza Modena – Dialetto di Sanremo

 

 

L’CQUA FRESCA

 

Per avere un po’ di acqua fresca,

durante l’estate la gente andava nei fossati,

carica di bottiglie e damigiane,

con gran vai e vieni intorno alle sorgenti.

 

Li vicino i giovani si divertivano,

tuffandosi nel laghetto, battevano le braccia nell’acqua,

si distendevano al sole per asciugarsi,

tutti con la pancia all’aria, per riposarsi.

 

A Tasciaire scorreva, da una fessura,

un’acqua chiara, fresca, così fina di sapore;

colando a rivoli fra il verde muschio,

le sue gocce brillavano al sole d’agosto.

 

Andare a prendere l’acqua toccava sempre a me,

mia sorella si spaventava se vedeva una biscia;

stava male, le veniva la diarrea,

se vedeva muoversi un filo d’erba.

 

Paura ne avevo molta anch’io;

se lungo il canale sentivo muoversi

tra le foglie secche e l’erba bruciata

cominciavo a correre da matti.

 

Credevo di vedere bisce e lucertole,

nascoste nell’erba, e ramarri!

Dalla gran paura spesso sono caduta:

i fiaschi non arrivavano a casa interi.

 

Quando poi tornavo con il fiasco rotto,

mio padre ne diceva di tutti i colori!

Andare a prendere l’acqua no, non era un gioco,

meglio prendere l’acqua dal rubinetto!