E ILLUXOIN PEUAN ARRÖBÂTE… di Luigi Cornetto

 

Ti væ avanti

çercando sempre

o sentë giusto

ch’o no l’agge

bricchi e fosci

e poei andâ coscì

sensa o rischio

de quarche brutto

schincapë.

 

E ti continui

pe tutta a vitta

a votte a stradda

a l’é fæta a gommio

ma questo o no te ferma

a un çerto momento

tutto o giamin

o l’è lì

un muggetto de çenie.

Alloa

ti te rendi conto

che e illuxoin

peuan arröbâte a vitta.

 

 

 

Luigi Cornetto – Dialetto di Genova

 

 

LE ILLUSIONI POSSONO RUBARTI…

 

Vai avanti

cercando sempre

il sentiero giusto

che non abbia

difficoltà

e potere andare così

senza il rischio

di qualche brutto

inciampo.

 

E continui

per tutta la vita

a volte la strada

è fatta a gomito

ma questo non ti ferma

a un certo momento

tutta la fatica

è lì

un mucchietto di cenere.

Allora

ti rendi conto

che le illusioni

possono rubarti la vita.