SETATE CHI… di Costanza Modena

 

Sètate chi, veixin, man in te mae:

a te vöju dì ina cousa.

U me ven in mente chela nöte, sciü tra i munti,

assetai in sce u müretu du stradun,

a grdà e stele tremuranti de fögu vivu.

Ti t’aregordi chelu silensiu fundu,

u respiru magicu d nöte,

ch’u muntava da e gure di valui?

Mai a l’ho vistu e stele cuscì grande,

cuscì veixine, da tucà e mae…

ti m’hai ditu: “A te vöju ben!”

E mi: “Dimeru forte, che a to vuixe

a vaghe longi, fin a stele ciare,

a sti munti chi han drente a storia de nui tüti!”

E tü ti l’hai criau au mundu,

e a vuixe a l’è cursa in te l’aria,

in te l’aiga, in tu sé, avanti, avanti…

A te vöju dì ina cousa, cumpagnu da me vita:

andamu turna sute chele stele,

e dime ancura che ti me vöi ben!

Crialu forte: pe’ i giurni passai,

pe’ u mumentu presente,

pe’ chelu ch’u serà, fin ch’a ghe semu!

 

 

 

Costanza Modena – Dialetto di Sanremo

 

 

SIEDITI QUI…

 

Siediti qui, vicino, mano nelle mani:

ti voglio dire una cosa.

Mi ricordo quella notte, su tra i monti,

seduti sul muretto di uno stradone,

a guardare le stelle tremanti di fuoco vivo.

Ti ricordi quel silenzio fondo,

il respiro magico della notte,

che saliva dalle gole dei fossati?

Mai ho visto le stelle così grandi,

così vicine, da toccare con le mani…

Mi hai detto: “Ti voglio bene!”

Ed io: “ Dimmelo forte, che la tua voce

vada lontano, fino alle stelle chiare,

a questi monti che hanno dentro la storia di noi tutti!”

E tu l’hai gridato al mondo,

e la voce è corsa nell’aria,

nell’acqua, nel cielo, avanti, avanti…

Ti voglio dire una cosa, compagno della mia vita:

andiamo di nuovo sotto quelle stelle,

e dimmi ancora che mi vuoi bene!

Gridalo forte: per i gironi passati,

per il momento presente,

per quello che sarà, fintanto che ci siamo!