U CANTUNÉ di Gabriella Gismondi

 

Fiöi i u savei chi l’eira u cantuné?

U cantuné u l’eira chel’omu

che u faixeva u gardian ae aighe,

u gardian de tèrre e de strade.

Candu u ciüviva

u sciurtiva cu-u mantelu,

stivalui e sapa,

u l’andaixeva a ghidà e àighe,

pe-e cünete, riane e cureji

pe sarvà i maixei, i esci

dae sbuire,

dae scùnsce.

Scuràu, u l’andaixeva,

sensa paraigu,

pe’ tegnì d’öju u tèrren

de so cumpetensa.

U nu gh’éira sguassu, lavastrun,

ciöveria, frasca, aigata

o dilüviu

che u puresse descuragià;

u credeva au so travaju,

da omu da contu!

Ancöi sta smersa

a s’è spersa.

Fiöi, sercai finché i vurei,

mancu ün i ne truverei!

 

 

Gabriella Gismondi – Dialetto di Sanremo

 

 

IL CANTONIERE

 

Figlioli lo sapete chi era il cantoniere?

Il cantoniere era quell’uomo

che faceva il guardiano delle acque,

il guardiano delle terre e delle strade.

Quando pioveva

usciva col mantello,

stivaloni e zappa

e andava a guidare le acque,

per le cunette, ritani e fossi

per salvare i muri a secco, i sentieri

dalle frane,

dagli scoscendimenti.

Inzuppato, andava,

senza ombrello

per tenere d’occhio il terreno

di sua competenza.

Non c’era acquazzone, breve pioggia torrenziale,

periodi di piogge, piogge di primavera, piogge abbondanti

o diluvi

che potesse scoraggiare;

credeva al suo lavoro,

da uomo stimato!

Oggi questo genere (di persone)

s’è perso.

Figlioli, cercate finché volete,

neanche uno ne troverete!