Solo a punta scamurâ do campanin
co-a croxe arrûzenìa
a spunta da lontan
in scië çimme do bosco de castagni e pin.
O campanin de 'n borgo abbandonòu
comme tanti feua de lì pe l' Appennin
coverto ormai de lelloa
erba cocca e viäsci
comme e çittæ di Maja in to Perù.
Quande ti gh' arrivi
quelli barcoin veui t' ammìan
comme euggi de fantäximi
perché e velenose goççe do tempo
se son mangiæ porte, barcoin, soieu.
Solo e prìe tegnan dûo ancon pe 'n pò...
O lûvego do bosco
o cresce l' erba cocca fra i risseu
frûsti 'na votta pe l'andâ di mû
càreghi de legne, stagnoin de læte
e banastræ de fen.
Oua no ghe ciû nisciûn:
morti o scappæ in zû verso a çittæ.
De vivo gh' è arrestòu solo
'n piscioèlo d' ægua e o treuggio pin
dove a beive vegne gazann-e roscigneu.
Foscia çent' anni fa quella vivagna
a l'aveiva convinto quarchedûn
a tiäghe sciû d' in gïo casette e gexa.
Ma 'na vivagna ancheu a no basta ciû
e quello borgo veuo
dove vive i fantäximi do passòu
o te lascia in gran magon a-o cheu...
Renzo Ferrero –
Dialetto di Genova
2001
BORGO VUOTO
Solo la punta sbrecciata del campanile
con la croce arrugginita
spunta da lontano,
dalle cime del bosco di castagni e pini.
Il campanile di un borgo abbandonato
come tanti ve ne sono qua e là per l'
Appennino,
coperto ormai di edera
e vitalbe
come le città dei Maja nel Perù.
Quando vi giungi,
quelle finestre vuote ti guardano
come occhi di fantasmi
perché le gocce velenose del tempo
si sono mangiate il legno di porte, di
finestre e solai.
Solo le pietre tengono duro ancora un po'....
L' umidità del bosco
fa crescere il muschio fra l' acciottolato
una volta frusti dall' andare di uomini e muli
con fasci di legna, secchi di latte
e cestoni di fieno.
Ora non vi è più nessuno:
morti o scappati in giù verso la città.
Di vivo c' è rimasto solo il filo d' acqua
che scorre nel trogolo pieno,
dove vengono a bere le gazze e l' usignolo.
Forse cent' anni fa quella sorgente
aveva convinto qualcheduno
a costruirvi in giro casette e chiesa.
Ma una sorgente oggi non basta più
e quel borgo vuoto
dove vivono i fantasmi del passato,
ti lascia un gran magone in cuore...
Nessun commento:
Posta un commento