O TÒ TEMPO CONTÒU di Danila Olivieri

A stuffa, mamma, a vëgia stuffa

a fummava in simma a-i tramonti

in rossi moinelli profummæ

de bon e legna bruxâ.

A pettiva regiosa de pigne

e rammette secche de sæ

regallæ da-o bosco co-i funzi

galletti e i boæi tardïi.

Semmo a novembre, dovemmo assavoî

tutta a luxe che a se deslengua avviòu

-ti me dixeivi- e paiva che zà

ti savessi do tò tempo contòu

e ti avessi sprescia de vive

sensa perde un solo momento

à credde a-e promisse d'incanto

contòu da- e feugge de tanti colori.

 

 

 

Danila Olivieri – Dialetto Genovese del Tigullio

Poesia che ha partecipato al XIX Concorso Letterario di Poesia Dialettale “Giannino Orengo” – Ed. 2024 – Dolceacqua

 

IL TUO TEMPO BREVE

 

La stufa, mamma, la vecchia stufa

fumava in cima ai tramonti autunnali

in rosse spirali odorose

di buono e di legna bruciata.

Scoppiettava allegra di pigne

e rametti arsi di sete, donati

dal bosco, con i funghi galletti

e gli ovoli tardivi.

È novembre, dobbiamo assaporare

tutta la luce che in fretta declina ,

-dicevi- e pareva che già

sapessi del tuo tempo breve

e avessi fretta di vivere

senza perdere un solo istante

a credere alle promesse d'incanto

narrato dalle foglie variopinte.