E CIÆBELLE DO MÂ di Luigi Cornetto

Quande

in sciö calâ sa seja

partan i pescœi

e lazzû all’orizzonte

poi

aççendan in to scûo

e lampare.

Pa de vedde pe magïa

in sce ûn pròu

ch’o se mescia sensa vento

tante ciæbelle

che zêugan a scorrîse.

 

O mâ

aççeiso da questi lûmin

o pa in festa.

In te quello silenzio

rotto in sordinn-ê

da-e onde che franzan

ti pêu assûnnâte

ammiando lazzû

e ciæbelle do mâ

che t’invitan

a ûnite ä festa.

 

 

 

Luigi Cornetto – Dialetto di Genova

 

 

LE LUCCIOLE DEL MARE

 

Quando

sul calar della sera

partono i pescatori

e laggiù all’orizzonte

poi

accendono nel buio

le lampare.

Pare di vedere per magia

su di un prato

che si muove senza vento

tante lucciole

che giocano

a rincorrersi.

 

Il mare

acceso da questi lumini

sembra in festa.

In quel silenzio

rotto in sordina

dalle onde che frangono

puoi sognare

guardando laggiù

le lucciole del mare

che ti invitano

a unirti alla festa.