VIVEMMO DE LONGO... di Luigi Cornetto

Ancheu o sô

o l’é in stissin maligno

se ti væ ‘n pö de sprescia

te cöa e stisse de sûo.

 

Son chì assettòu,

‘na sciabbrâ de luxe

a l’intra da-o barcon

a pä ‘na lamma d’öu:

però che strano…

vivemmo de longo

comme aiscimo ‘n fùrgao

ch’o n’arrunse…

 

S’affermescimo ‘n pittin

veddiéscimo  a votte

cöse d’incanto che foscia

no veddiemo mai.

 

 

 

Luigi Cornetto – Dialetto di Genova

 

 

VIVIAMO CONTINUAMENTE…

 

Oggi il sole

è un pochino maligno

se vai un po’ in fretta

ti colano le gocce del sudore.

 

Sono qui seduto,

una sciabolata di luce

entra dalla finestra

pare una lama d’oro:

però che strano…

viviamo continuamente

come avessimo un razzo

che ci spinge…

 

Ci fermassimo un pochino

vedremmo a volte

cose d’incanto che forse

non vedremo mai.