ISOE PERDUE di Fiorenzo Toso

 

S’arresta stanchi, a-a seia. I giorni passan

un in sce l’atro, pægi, e se confondan

comme profî de nuvie che s’incontran.

O zeugo o n’açimenta de che semmo

vittime e attoî.

 

D’imaginäie

isoe perdue semmo delongo scciavi

ma o dexidëio o scenta, e ne s’ammerma

a coæ d’andâ à çercâle in lontanansa.

 

D’ombre e magon ciù pin che d’invexendo,

a-a seia cian cianin se consummemmo.

 

 

 

Fiorenzo Toso – Lingua genovese

 

 

ISOLE PERDUTE

 

Si rimane stanchi alla sera. I giorni passano

uno sull’altro, uguali a sé stessi, e si confondono

come profili di nuvole che s’incontrano.

Il gioco ci tormenta di cui siamo

vittime e attori.

 

D’immaginarie

isole perdute siamo ancora schiavi

ma il desiderio scompare, e si dissolve

la voglia di andarle a cercare, in lontananza.

 

D’ombre e d’angoscia pieni, più che di frenesie,

alla sera lentamente ci consumiamo.