A NU GH’ABADA di Ottavio Allavena

Seve aute e barragne

aissae in sci’i cunfin,

pe’ i luvi e i veixin,

pe’ i marusi.

Da nu vé, da nu sente,

pe’ fasse, da suli,

ciü sulu.

Da drente acampà,

ben a reu, ciache cousa,

ch’a fasse du tou.

Purve e fümu cun l’ouru,

amügliau ben arrente,

mesciunae biave e giassu,

da ingurdi, cun stagiun

amutae e desaversu.

In àrima abrascà

sensa in mumentu,

pe’ dà ancù a mente

all’arbù d’a matin

o au sù ch’u cara,

né ti pöi sente u ventu,

u rugliu de riane

e i marusi ch’i scava

e tou barragne.

U tempu u va e, sulu,

l’é a rouba tou che conta.

Fin candu ven caicousa,

cianin sensa sciaratu,

pe’ in peixin, a t’aganta

e, cume in sacu vöiu,

a te secrola.

Che ti seci d’acordiu

a nu gh’abada!

 

 

 

Ottavio Allavena – Dialetto di Latte di Ventimiglia

I Premio al Concorso Rina Govi, Genova – 1998

 

 

NON CI FA CASO

 

Siepi alte e palizzate

alzate sui confini,

per i lupi e i vicini,

per i marosi.

(Tanto) da non vedere, da non sentire,

per farsi, da soli,

più soli.

Da dentro raccogliere,

pedissequamente, ogni cosa,

che possa fare (crescere) del tuo.

Polvere e fumo con oro,

ammucchiati ben vicino,

mietute biade e strame,

da ingordi, con stagioni

compresse senza regola.

Un’anima bramosa

senza un momento,

per guardare ancora

al chiarore del mattino

o al sole che tramonta,

né puoi sentire il vento,

lo scroscio dei rivi

e i marosi che scavano

le tue palizzate.

Il tempo se ne va e, solo,

è la roba tua che conta.

Fintanto che viene qualcosa,

pian piano senza sfoggio,

per un angolo, t’agguanta

e, come un sacco vuoto,

ti scrolla.

Che tu sia d’accordo (o no)

non ci fa caso!