BESUGNIÆ ASPËTÂ di Fiorenzo Toso

Joaquín Sorolla y Bastida

Besugniæ aspëtâ giornæ ciù longhe

äia ciù cada, e in giæa figgeu chi core

descäsi, donde l’æña a beive l’ægua,

 

figge che rian, vestî gianchi de lin,

i bricchi à tremmoâ inta luxe açeisa

mai tanto fòrte che no â rëze i euggi.

 

No a stæ de luggio: quella che da niatri

a ven d’arvî e de mazzo, e l’é ancon fresco

quande ven seia, e scciuppa tutte e reuse.

 

E aloa partî pe-o viægio di regòrdi

- infançia indefinia, coæ sensa nomme

de cöse sccette che no poia.

 

Lasciâse andâ comme cometa a-o vento

verso nisciun destin, e sempiterno

fermâ in scî lapri un fattoriso puo.

 

 

 

Fiorenzo Toso – Dialetto di Arenzano

26.II.17

 

 

BISOGNEREBBE ASPETTARE

 

Bisognerebbe aspettare giorni più lunghi

aria più calda, e sulla spiaggia bambini che corrono

scalzi dove la sabbia beve l’acqua,

 

ragazze che ridono, vesti bianche di lino,

i monti che tremolano nella luce così accesa

che gli occhi non la reggono.

 

Non l’estate di luglio: ma quella che da noi

viene d’aprile e di maggio, quando è ancora fresco

verso sera, e scoppiano le rose.

 

E allora partire per il viaggio dei ricordi

– infanzia indefinita, voglia senza nome

di cose semplici che non fanno paura.

 

Lasciarsi andare come aquilone nel vento

verso nessun destino, ed eterno

fermare sulle labbra un sorriso puro.